ਜੇ. ਐੱਨ. ਯੂ. ਵਿਵਾਦ: ਪ੍ਰੋਗਰਾਮ ''ਚ ਮੌਜੂਦ ਕਰੀਬ 22 ਲੋਕਾਂ ਦੀ ਹੋਈ ਪਛਾਣ
ਨਵੀਂ ਦਿੱਲੀ— ਜੇ. ਐੱਨ. ਯੂ. ਐੱਸ. ਯੂ. ਮੁਖੀ ਕਨ੍ਹਈਆ ਕੁਮਾਰ, ਉਮਰ ਖਾਲਿਦ ਅਤੇ ਅਨੀਬਰਨ ਭੱਟਾਚਾਰੀਆ ਤੋਂ ਦੱਖਣ ਦਿੱਲੀ ਦੇ ਇਕ ਥਾਣੇ 'ਚ ਸੰਯੁਕਤ ਪੁੱਛਗਿੱਛ ਤੋਂ ਬਾਅਦ ਕੰਪਲੈਕਸ ਦੇ ਵਿਵਾਦ ਭਰਪੂਰ ਪ੍ਰੋਗਰਾਮ 'ਚ ਮੌਜੂਦ ਰਹੇ ਕੁਝ ਬਾਹਰੀ ਸਮੇਤ 22 ਲੋਕਾਂ ਦੀ ਪਛਾਣ ਕਰ ਲਈ ਗਈ ਹੈ। ਇਕ ਪੁਲਸ ਸੂਤਰ ਨੇ ਦੱਸਿਆ ਕਿ ਅਸੀਂ ਰਾਸ਼ਟਰਧ੍ਰੋਹੀ ਨਾਅਰੇਬਾਜੀ ਕਰਨ ਵਾਲੀ ਭੀੜ 'ਚ ਮੌਜੂਦ ਕਰੀਬ 22 ਲੋਕਾਂ ਦੀ ਪਛਾਣ ਕੀਤੀ ਹੈ। ਅਸੀਂ ਉਨ੍ਹਾਂ ਨਾਲ ਆਉਣ ਵਾਲੇ ਦਿਨਾਂ 'ਚ ਪੁੱਛਗਿੱਛ ਕਰ ਸਕਦੇ ਹਾਂ।
ਉਨ੍ਹਾਂ ਨੇ ਕਿਹਾ ਕਿ ਪੁਲਸ ਉਨ੍ਹਾਂ ਚਾਰ ਲੋਕਾਂ ਦੀ ਪਛਾਣ ਨਹੀਂ ਕਰ ਸਕੀ ਹੈ ਜੋ ਕਿ ਮਫਲਰ ਨਾਲ ਆਪਣਾ ਚਿਹਰਾ ਲੁਕਾਏ ਹੋਏ ਸਨ। ਮੰਨਿਆ ਜਾ ਰਿਹਾ ਸੀ ਕਿ ਇਹ ਲੋਕ ਬਾਹਰੀ ਸਨ। ਪ੍ਰੋਗਰਾਮ 'ਚ ਮੌਜੂਦ ਇਹ ਲੋਕ ਕਥਿਤ ਤੌਰ 'ਤੇ ਦੇਸ਼ ਵਿਰੋਧੀ ਨਾਅਰੇ ਲਗਾ ਰਹੇ ਸਨ। ਸੂਤਰਾਂ ਨੇ ਦੱਸਿਆ ਕਿ ਜਾਂਚ ਕਰਤਾ ਹੁਣ ਇਸ ਮਾਮਲੇ 'ਤੇ ਜੇ. ਐੱਨ. ਯ. ਦੀ ਉੱਚ ਪੱਧਰੀ ਕਮੇਟੀ ਦੀ ਰਿਪੋਰਟ ਦਾ ਇੰਤਜ਼ਾਰ ਕਰ ਰਹੀ ਹੈ। ਇਸ ਨਾਲ ਤੈਅ ਹੁੰਦਾ ਹੋਵੇਗਾ ਕਿ 9 ਫਰਵਰੀ ਦੇ ਪ੍ਰੋਗਰਾਮ ਦੀ ਮਨਜੂਰੀ ਵਾਪਸ ਲੈਣ ਵਾਲੇ ਕੁੱਲਪਤੀ ਜਾਂ ਕਮੇਟੀ ਦੇ ਹੋਰ ਮੈਂਬਰਾਂ ਨੂੰ ਮਾਮਲੇ 'ਚ ਗਵਾਹ ਦੇ ਤੌਰ 'ਤੇ ਸੂਚੀ ਬੱਧ ਕੀਤਾ ਜਾਵੇ ਜਾਂ ਨਹੀਂ। ਫਿਲਹਾਲ ਪੁਲਸ ਨੇ ਮਾਮਲੇ 'ਚ ਸਬੂਤ ਫਾਈਲ ਬਣਾਉਣ ਦੀ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ।