ਮਜ਼ਦੂਰ ਦੇ ਸਿਰ ''ਚ ਆਰ-ਪਾਰ ਹੋਇਆ 7 ਫੁੱਟ ਲੰਬਾ ਸਰੀਆ
ਮੁੰਬਈ— ਇਕ ਕੰਸਟਰਕਸ਼ਨ ਸਾਈਟ 'ਤੇ ਮਜ਼ਦੂਰ ਦੇ ਸਿਰ ਤੋਂ ਲੋਹੇ ਦਾ ਸਰੀਆ ਆਰ-ਪਾਰ ਹੋ ਗਿਆ। ਇਸ ਦਰਦਨਾਕ ਹਾਦਸੇ ਦੇ ਬਾਵਜੂਦ ਮਜ਼ਦੂਰ ਜ਼ਿੰਦਾ ਬਚ ਗਿਆ। ਇਹ ਘਟਨਾ ਮੁੰਬਈ ਦੇ ਮਲਾਡ ਇਲਾਕੇ ਦੀ ਹੈ। ਇਹ ਹਾਦਸਾ ਮੁੰਬਈ ਦੇ ਮਲਾਡ ਇਲਾਕੇ 'ਚ ਮਜ਼ਦੂਰ ਮੁਹੰਮਦ ਗੁੱਡੂ ਨਾਲ ਸ਼ੁੱਕਰਵਾਰ ਨੂੰ ਹੋਇਆ। ਕੰਸਟਰਕਸ਼ਨ ਸਾਈਟ 'ਤੇ ਉਹ ਸੀਮਿੰਟ ਮਿਲਾਉਣ ਦਾ ਕੰਮ ਕਰ ਰਿਹਾ ਸੀ, ਛੱਤ ਤੋਂ ਉਸ ਦੇ ਸਿਰ 'ਤੇ ਸਰੀਆ ਡਿੱਗਿਆ। ਜੋ ਉਸ ਦੇ ਖੋਪੜੀ ਦੇ ਆਰ-ਪਾਰ ਹੋ ਗਿਆ। ਡਾਕਟਰਾਂ ਨੇ 5 ਘੰਟੇ ਚੱਲੇ ਆਪਰੇਸ਼ਨ 'ਚ ਸਰੀਆ ਸੁਰੱਖਿਅਤ ਕੱਢ ਲਿਆ। ਹੈਰਾਨੀ ਦੀ ਗੱਲ ਹੈ ਕਿ ਇਸ ਹਾਦਸੇ ਦੇ ਬਾਵਜੂਦ ਦਿਮਾਗ ਦੀ ਮੁੱਖ ਧਮਨੀਆਂ ਨੂੰ ਨੁਕਸਾਨ ਨਹੀਂ ਪਹੁੰਚਿਆ।
ਆਪਰੇਸ਼ਨ ਕਰਨ ਵਾਲੇ ਡਾਕਟਰ ਬਟੁਕ ਨੇ ਦੱਸਿਆ ਕਿ ਹਾਦਸੇ ਦੇ ਬਾਅਦ ਵੀ ਗੁੱਡੂ ਹੋਸ਼ 'ਚ ਸੀ, ਕਿਉਂਕਿ ਰਾਡ ਉਸ ਦੇ ਦਿਮਾਗ ਦੇ ਉਸ ਹਿੱਸੇ 'ਚ ਆਰ-ਪਾਰ ਹੋਈ ਸੀ, ਜਿਸ ਨੂੰ ਅਸੀਂ ਇਹ ਯਕੀਨੀ ਕੀਤਾ ਕਿ ਕਿਸੇ ਤਰ੍ਹਾਂ ਦਾ ਇਨਫੈਕਸ਼ਨ ਨਾ ਹੋਵੇ। ਡਾਕਟਰਾਂ ਨੂੰ ਰਾਡ ਕੱਢਣ 'ਚ ਕਾਫੀ ਸਮਾਂ ਲੱਗਾ, ਕਿਉਂਕਿ ਇਸ ਕੰਮ 'ਚ ਗੁੱਡੂ ਦੀਆਂ ਅੱਖਾਂ ਦੀ ਰੋਸ਼ਨੀ ਗਵਾਚਣ ਦਾ ਖਤਰਾ ਸੀ।