ਭਾਰਤ ਨੇ ਸਿੰਗਾਪੁਰ ਕੀਤਾ ਚਿੱਤ
ਹੈਦਰਾਬਾਦ— ਚੋਟੀ ਦੇ ਖਿਡਾਰੀ ਕੇ. ਸ਼੍ਰੀਕਾਂਤ ਦੀ ਅਗਵਾਈ ਵਿਚ ਭਾਰਤੀ ਪੁਰਸ਼ ਟੀਮ ਨੇ ਏਸ਼ੀਆ ਟੀਮ ਬੈਡਮਿੰਟਨ ਚੈਂਪੀਅਨਸ਼ਿਪ ਵਿਚ ਬੁੱਧਵਾਰ ਨੂੰ ਸਿੰਗਾਪੁਰ ਨੂੰ ਇਕਤਰਫਾ ਅੰਦਾਜ਼ ਵਿਚ 5-0 ਨਾਲ ਹਰਾ ਦਿੱਤਾ।
ਭਾਰਤ ਨੇ ਸਿੰਗਾਪੁਰ ਵਿਰੁੱਧ ਇਸ ਮੁਕਾਬਲੇ ਵਿਚ ਗਰੁੱਪ ਐੱਮ-ਏ ਵਿਚ ਸਾਰੇ ਪੰਜ ਮੈਚ ਜਿੱਤ ਲਏ। ਸਿੰਗਾਪੁਰ ਨੇ ਇਸ ਤੋਂ ਪਹਿਲਾਂ ਆਪਣੇ ਪਹਿਲੇ ਮੁਕਾਬਲੇ ਵਿਚ ਸੋਮਵਾਰ ਨੂੰ ਚੀਨ ਵਿਰੁੱਧ ਸਖਤ ਸੰਘਰਸ਼ ਤੋਂ ਬਾਅਦ 2-3 ਦੀ ਹਾਰ ਝੱਲੀ ਸੀ ਪਰ ਭਾਰਤੀ ਟੀਮ ਨੇ ਸਿੰਗਾਪੁਰ ਨੂੰ ਸਾਰੇ ਪੰਜ ਮੈਚਾਂ ਵਿਚ ਚਿੱਤ ਕਰ ਦਿੱਤਾ।
ਸ਼੍ਰੀਕਾਂਤ ਨੇ ਡੈਰੇਕ ਵਾਂਗ ਜੀ ਲਿਆਂਗ ਨੂੰ 21-16, 12-21, 21-13 ਨਾਲ ਹਰਾਇਆ। ਡਬਲਜ਼ ਮੈਚ ਵਿਚ ਮਨੂ ਅੱਤਰੀ ਤੇ ਬੀ. ਸੁਮਿਤ ਰੈੱਡੀ ਨੇ ਯੋਂਗ ਕੇਈ ਤੇ ਕੀਨ ਹੀਨ ਲੋਹ ਨੂੰ 21-15, 21-14 ਨਾਲ ਹਰਾਇਆ। ਦੂਜੇ ਸਿੰਗਲਜ਼ ਮੈਚ ਵਿਚ ਅਜੇ ਜੈਰਾਮ ਨੇ ਕੀਨ ਯਿਯੂ ਨੂੰ 21-11, 21-18 ਨਾਲ ਹਰਾਇਆ।
ਦੂਜੇ ਡਬਲਜ਼ ਵਿਚ ਪ੍ਰਣਵ ਚੋਪੜਾ ਤੇ ਅਕਸ਼ੈ ਦੇਵਾਲਕਰ ਨੇ ਡੈਨੀ ਬਾਵਾ ਤੇ ਹੇਂਦ੍ਰਾ ਵਿਜਯਾ ਨੂੰ 21-14, 21-13 ਨਾਲ ਹਰਾਇਆ। ਆਖਰੀ ਸਿੰਗਲਜ਼ ਮੈਚ ਵਿਚ ਐੱਚ. ਐੱਸ. ਪ੍ਰਣਯ ਨੇ ਜਿਨ ਰੇਈ ਰਿਆਨ ਨੂੰ 21-0, 21-12 ਨਾਲ ਹਰਾਇਆ।